🟥 تغطية المنظومة أونلاين للمشهد السوداني
---------------------------------
✍️ زاهر مستر ظط
مدخل المقال:
من زمن طويل والسودانيين قاعدين في محطة انتظار مافيها قطار… لكن فجأة أمريكا قررت تركب السكة الحديد بنفسها، وتمسك الدركسون، وتعلن — بالمباشر — إنها حتنهي الحرب سواء اتفقوا السودانيين أو لا.
والواضح إننا داخلين على تسوية أمريكية بطعم الإلزام… موش مشاورة.
🔹 أول علامة: من “هدنة” إلى “وقف إطلاق النار”
التغيير في المصطلح دا زي الفرق بين “نص الكلفة” و“إجبارك على الدفع كامل”.
أمريكا بقت واضحة:
عايزة توقف الحرب، ما عايزة تُسكّنها.
🔹 من يربح؟
1️⃣ القوى المدنية
دي أكتر جهة بتبتسم الليلة.
أمريكا عايزة حكومة انتقالية بدون اخوان مسلمين … يعني القوى المدنية راجعة للمشهد حسب طموحاتها، ولو بشكل مراقب أو مُقيَّد… لكن راجعة دي، محتاج شوية شغل من القوى المدنية وإلا للأسف سوف تكون خارج اللعبة خلال الفترة الانتقالية.
2️⃣ المجتمع الدولي
ناس المجتمع الدولي كانوا منتظرين أمريكا تمد يدها.
ودا حصل… حيتم ترتيب المسار الإنساني، القوافل، الممرات، وأقلمة الدعم.
🔹 من يخسر؟
1️⃣ الإخوان المسلمين
أمريكا شايفاهُم المشكلة، ما جزء من الحل.
ووفق الخطة الجديدة:
لا دور سياسي + لا دور عسكري + لا وجود في المرحلة الانتقالية.
2️⃣ البرهان والدعم السريع… معاً
التسوية ما جاية تخلي واحد ينتصر.
جاية تقصر يد الاثنين، وتقول لهم:
“الحكاية دي حتنتهي بدمج القوات… وبسلطة مدنية… وبفترة انتقالية مراقبة أمريكيًا”.
3️⃣ المشتركة:
هم أكثر المتضررين من التسوية.
4️⃣ عبد الواحد والحلو:
أكثر المستفيدين من التسوية القادمة.
🔹 السؤال الكبير: هل في “قوة ثالثة” جاية؟
في احتمال كبير…
قوة مدعومة أمريكياً، مدنية-عسكرية، تمسك الأرض في الفترة الانتقالية، خصوصًا في العاصمة.
الحكاية دي لو حصلت… حتكون أخطر خطوة من 2019 لليوم.
🔹 أين تقف السعودية والإمارات؟
السعودية راجعة للطاولة بثقل.
الإمارات حتكون مضطرة تعيد حساباتها.
وأمريكا حتجبر الاثنين يتفقوا على مسار واحد بدل الاشتباك الخفي.
🔹 التأثير على الأقاليم
دارفور وكردفان والشرق:
أمريكا ما عايزة نموذج سوري… عايزة بلد واحد مقفل من أطرافه قبل وسطه.
عشان كدا التسوية حتكون “مركزية – لا مركزية”…
مركزية في وقف الحرب،
ولا مركزية في الإدارة.
🔥 الخلاصة
التسوية الجاية ما تسوية نقاش…
تسوية فرض.
وأمريكا حتكتبها بالطريقة البتشوفها مناسبة…
والأطراف السودانية عندها خيار واحد فقط:
إما تركب… أو تتجاوزها العجلة.
👌 متى تنتهي الحرب وتكتمل التسوية؟
عندما تستقبل مصر البرهان
وتؤكد على حقها الكامل
في اتخاذ كافة الإجراءات اللازمة وفق القانون الدولي
واتفاقية الدفاع المشترك بين البلدين
لضمان عدم المساس بالذي تحدده مصر
عندها سوف تتوقف الحرب✋
✋ مقالات مهمة مرتبطة:
1️⃣ تسريبات تسوية "ترامب" | بخصوص السودان - قراءة المقال
2️⃣ 🧭🔥 هل بدأت الخطة (ب) الامريكية؟ - قراءة المقال
3️⃣ الخرطوم تحت المجهر… أمريكا تكتب نهاية الحرب من العاصمة وليس الجبهات” -
